Di çarçeveya Festîvala Munzurê ya Kultur û Suruştê ku îsal a 10-ê tê sazkirin, Belediyeya Dersimê peykerê serokê serîhildana Dersimê Seyid Riza li navenda bajêr daçikand.

Festîvala Munzurê a Kultur û Suruştê a 10-ê jÎ vebû. Bi minasebeta vebûna festîvalê qelebalixa dersimiyan li derveyê bajêr pêşwazîli çiyahilkêş û sportîstên suruştê kir ku bi pisiklêtan ji bajarên cuda hatin. Grûbek pisiklêtajo yên protestokirên avakirina bendavan di 6 rojan de ji Anqerê gihaştin Desimê. Pişt re qelebalixê bi hev re xwepêşandanek heta navenda bajêr kir ku, parlamenterên BDP-ê; ê Dersimê şerafettin Xalis, ya Îstanbulê Sebahet Tuncel, seroka şarederiya Dersimê Edîbe şahîn û neviyên Seyid Riza jî di nav wan de bû.

Li meydanê meşale hatin pêxistin, rêz li şîdên Kurdistanê hat girtin. Pişt re jî çarşeva li ser peykerê Seyid Riza vegirtî hat daxistin. Neviyên Seyid Rizayî Zelixa Polat û Rustem Polat jî di merasimê de amade bûn. Di dema vekirina çarşevê de bi deqîqeyan tilîlî hat kêşan ûgelek kesên salmezin hêsir barand û xwe di ber hev rakrin, çûn peyker ramûsan.

Axêveran li ser rola Seyid Riza û hezkmirina wî ya ji bal gel axaftin kir, pişt re grûba folklorê ya Varvarayê govend gêrra û Kortoya Zarokan a GKM-ê stiran pêşkêş kirin.

ANF