Li navçeya Hatayê li Dortyola ku beriya çend rojan lê 4 polîsên tirk hatibûn kuştin tansiyon hê jî dom dike.


SAET 15:00

Konvoya BDP ku ji Diyarbekirê bi rê ketibû û 50 wesaîtan pêk dihat li dor saet 13.00 gihîşt navçeya Dortyolê a hatayê.

Li vir konvoy ji alî polîs û cendirmeyan ve hate rawestandin. Li ser vê niqaşên tund di navbera BDpyîyan û rayadarên navçeyê ve rû dan.

Piştre serokê BDP-ê Selahattin Demirtaş û şandeya pê re bi cigirê walî Omer Bedrettin Sagsuz û fermandarê cendirmeyan Vedat Colak û mudurê emniyetê Ragip Kilic re civiya.

Piştî civîna Demirtaş ji konvoyaê r eragihand ku ew gihîstina armanca xwe û daxwazê ji hevalên xwe kir da ku her kes vegere bajarê xwe.

Li ser vê şande bi tilîliyan ber bi bajarên xwe ve vegeriyan.

SAET 10.00


Piştî ku BDP-ê biryar da îro bi şandeyekê re serdana navçeyê bike, li Dortyolê jî ewleyiyên fireh hatin stendin. Ji bajarên cîran polîsên zêde hatin navçeyê.

Şandeya BDP-e bi serokatiya hevserokên wê Selahattin Demirtaş û Gultan Kişanak îro bi 20 wesaîtan ber bi Dortyolê ve çûn.

Piştî ku BDPyî bi rê ketin waliyê Hatayê jî ragihand ku ê destûr nedin şandeya BDP-ê ku bikevin hundurê Dortyolê.

Li ser vê Demirtaş got ev li dijî hiqûqê ye. Nîyeta me tune ku em bi girseyeke mezin herin navçeyê. Helwesta walî û wezîr ne di cî de ye.


Ji aliyê din ve kurdan bersiva buyerên ku li Înegol û Dortyolê rû dabûn li Diyarbekir û û bajaraên din yên Kurdistanê dan.

Li Diyarbekirê piştî daxuyaniya çapemeniyê girseya gel û polîs bi hev ketin. Avayiya Ak partî ya Baglare bû armanca kokteylên molotof.

Li Navçeya Geverê bi hezaran kes bi boneya şermezarkirina lînckirinên li dijî kurdan yên li Înegola Bursayê û Dortyola Hatayê meşiyan. Polîsan bi bombeyên gazê û ava şid mudaxale li meşê kir. Pişti mudaxaleyê navçe vegeriya qada şer.

Li navçeya weranşar a Rihayê jî buyerên Înegol û Dortyolê hatin protesto kirin.

Tê ragihandin ku îro jî dê li hin bajarên wek Batman, Qers û Wanê protetso bêne li darxistin