Serokê Herêma Kurdistanê Mesûd Barzanî li Selahedînê pêşwazî li balyozê Swêdê yê li Iraqê Nicholas Trovan û şandeya digel wî kir.

Nicholas Trovan ji bo bidawîhatina karê xwe yê li Iraqê îro serdana serok Barzanî kir.

Di hevdîtinê de, Trovan ji bo wê piştgiriya di dema kar kirinê de lê kiriye spasiya serok Barzanî kir û hêvî xwest ku pêwendiyên navbera Herêm û Swêdê zêdetir pêş bikevê‌.

Nicholas Trovan diyar kir ku rewşa Herêma Kurdistanê di warê ewlehî û aboriyê de pêş ketiye û� aşkere kir� ku welatê wî dil heye konsulxaneya xwe ya li Hewlêrê zêdetir pêş bixe da ku rola xwe di bihêzkirina pêwendiyan û pêkanîna projeyên hevbeş de baştir bilîze.

Her wiha Traovan balkişand li ser biryarekî hikûmeta xwe ku tu rêgiriyek li ber welatiyan nehîştiye ku serdana Herêma Kurdistanê bikin.

Serok Barzanî jî� ji bo rola wî ya bo pêşxistina pêwendiyên navbera her du aliyan,� spasiya Nicholas Trovan kir û di erka wî ya nû de hêviya serkeftinê ji bo wî xwest.

Herwaha serok Barzanî kêfxweşiya Herêma Kurdistanê bi wê biryara hikûmeta Swêdê nîşan da.

Paşê pêşhatên siyasi yên Iraq û rewşa penaberên Kurdistanê li welatê Swêdê û serdanên fermî yên dawî yê serok Barzanî bo welatên derveyê welat hatin rojevê.

�

Pukmedia